Сярод пажаўцелых старонак архіўных кніг, дзе час пакінуў свой ціхі пыл, паўстае гісторыя Варнянскай парафіі — няпэўная, фрагментарная, але жывучая, як малітва, што не згасае праз стагоддзі. Ад першых сціплых згадкаў у 1789 годзе да апошняга запісу перад бурай 1939‑га — гэта аповед пра святыню, якая выстаяла ў нягодах, і пра людзей, чыя вера трымала яе, калі маўчалі дакументы і змяняліся эпохі.

Свечка — сімвал Хрыста, які прынёс святло вечнай Праўды ўсім народам. А на Грамніцы свечка таксама сімвалізуе Марыю, пакорную слугу Пана, поўную ласкі, у душы якой заўсёды гарэла святло веры, надзеі і любові. Яна была першай, якая паверыла, і таму Бог бязмежна ўзвысіў Яе. Але прынесшы Дзіцятка Езуса ў святыню, з вуснаў Сімяона Марыя пачула пагрозлівае прароцтва пра тое, што «меч пройдзе праз Яе душу» (пар. Лк 2, 34). Прарок прадказаў Марыі вялікую таямніцу Яе жыцця — удзел у адкупляльнай справе Яе Боскага Сына. Гэтае прароцтва спраўдзілася тады, калі Марыя стаяла пад крыжам Хрыста, і ў сваёй душы падзяляла Яго цярпенне за збаўленне свету.

Св. Імша:

касцёл Св. Юрыя ў аг. Варняны:

у нядзелі ў 9.00 (PL), 13.00 (BY);

у звычайныя дні: аўт.(PL), чц.(BY), суб.(PL) у 9.30,

                           пн.(PL), сер.(BY), пт.(BY) у 17.30

капліца Св.Філамены ў аг. Варона:

у нядзелі: 11.15

Ружанец: за 30 хвілін да Імшы.

02.02.2026 - свята Ахвяравання Пана. (Маці Божай грамнічнай, Грамніцы). Сусветны дзень кансэкраванага жыцця.  Варняны: 09:00; 18:00, Варона: 16:00. Сбор ахвяраванняў у гэты дзень прзначаны на патрэбы сузіральных кляштараў.

03.02.2026 - успамін св. Блажэя, біскупа і мучаніка, благаслаўленне 2 свечак паравязаных льняной ніткай (ад хвароб горла). Варняны: 09:00

05.02.2026 - успамін св. Агаты, панны і мучаніцы, благаслаўленне хлеба і вады. Першы чацвер месяца - дзень малітвы аб святарскіх і манаскіх пакліканнях. Варона: 16:00, Варняны: 17:30

06.02.2026 - успамін св. Паўла Мікі і паплечнікаў, мучанікаў. Першая пятніца месяца - дзень споведзі, молімся да Найсвяцейшае Сэрца Пана Езуса. Варняны: 17:30.

07.02.2026 - першая субота месяца - набажэнства да Беззаганнага Сэрца НПМ. Варняны: 09:30

08.02.2026 - V Звычайная нядзеля. Варняны: 09:00, 13:00; Варона: 11:15

у закрыстыі можна набыць грамнічныя свечкі.

малітоўныя Інтэнцыі на люты: паўсюдная: Молімся, каб дзеці, якія пакутуюць ад невылечных захворванняў, і іх сем'і атрымлівалі неабходную медыцынскую дапамогу і падтрымку і ніколі не гублялі сіл і надзеі. дыяцэзіяльная: Молімся аб дары жывой веры і сведчанні бацькоўскай адказнасці за выхаванне сваіх дзяцей для мужчын і татаў Гродзенскай дыяцэзіі, каб адказна прымалі на сябе ўсе абавязкі, кія звязаны з пакліканнем добрага мужчыны і бацькі.

з   02 лютага па 07 лютага 2026 касцёл і прылягаючую тэрыторыю прыбіраюць: вёска Філіпаны, а таксама тыя, хто не з'явіўся ў свой час: вул. Ленинская  Садоўскія, Мацкелы.

Дарагія браты і сёстры! Наш касцёл — гэта святое месца, дзе чалавек сустракаецца з Богам, знаходзіць малітву, падтрымку і супакой. Гэта Дом, які патрабуе не толькі павагі і ўнутранай адданасці, але і штодзённай увагі, каб кожны вернік, пераступаючы яго парог, адчуваў гармонію, чысціню і цеплыню Божай прысутнасці. Асабліва зімой важна рэгулярна прыбіраць снег, лёд, каб шлях да святыні быў бяспечным, чыстым і светлым. Такая праца становіцца сапраўдным служэннем Пану, бо праз клопат пра Яго Дом мы выражаем сваю любоў і вернасць. Выказваем шчырую падзяку ўсім, хто аддана і сціпла працуе дзеля супольнага дабра, хто сваімі намаганнямі робіць касцёл утульным і прыгожым. Няхай Езус Хрыстус шчодра благаславіць вас, а Найсвяцейшая Панна Марыя ахіне сваёй матчынай апекай. Няхай вашая праца прыносіць плён прыгажосці, святла і супакою, каб наша святыня заўсёды заставалася жывою крыніцай веры і любові.

з   02 лютага па 08 лютага 2026 дзяжурная ў касцёле – Ганна Клімович

Святасць — гэта не ўзнагарода для выбраных, а шлях, адкрыты кожнаму сэрцу, якое прагне Бога. Гэта агонь, што не згарае, а асвятляе. Гэта водар любові, што не вянне. І ў Варнянскім касцёле святога Юрыя гэты агонь запаліўся асабліва ярка…

У Варонскай капліцы святой Філамены адзначылі адпустовую урачыстасць з удзелам Біскупа Уладзіміра Гуляя

Ідучы ў касцёл, мы ідзём на больш сур’ёзнае спатканне, чым футбол і тэатр, мы ідзём на спатканне з Богам, са Стваральнікам усяго сусвету.

Як мужчынам, так і жанчынам і дзецям забараняецца прыходзіць у касцёл у шортах.

Калі, як не на Божае Нараджэнне, спаўняюцца ўсе мары і жаданні? Але ёсць тыя, для каго гэтае свята значна больш важнае за любыя асабістыя падзеі. Гэта святары, якія кожны дзень аддаюць сябе на служэнне Богу і вернікам.

Героем праекта «Добрыя людзі» стаў ксёндз Віктар Захарэўскі, пробашч касцёла св. Юрыя ў аграгарадку Варняны. За 1500 кіламетраў ад сталіцы ён стварыў сапраўды ўнікальную і натхняльную атмасферу ў сваёй парафіі. Тут, далёка ад гарадской мітусні, вернікі знаходзяць спакой, мір і моц Божага благаслаўлення.

Ружанец — гэта «вянок ружаў», сплецены з найлепшых малітваў, як «Ойча наш», якой навучыў нас сам Пан Езус, і «Вітай, Марыя», якою віталі Марыю Божы пасланец Арханёл Габрыэль і святая Альжбета, маці Яна Хрысціцеля, якія разам ствараюць падвойную малітву — малітву сэрца і розуму, разважання і вусную малітву.

Малітва на ружанцы дапамагае разважаць над таямніцамі жыцця Езуса і Марыі, умацоўваючы веру і духоўную сувязь з Богам.

Для чаго чалавек нараджаецца на свет? Для чаго мы жывем? Уся гісторыя чалавецтва — гэта няспынны пошук адказу на гэтыя фундаментальныя пытанні. Кожны разумее, што ад адказу на пытанне пра сэнс (мэту) жыцця залежаць усе іншыя адказы, планы, дзеянні асобы. Чым больш выразна мы разумеем сэнс нейкай справы, тым больш яна нас матывуе

Паважаныя браты і сёстры ў Хрысце,

Мы з вялікай удзячнасцю зварочваемся да вас, каб падзякаваць за вашу шчодрасць і любоў да нашай святыні. Дзякуючы вашым ахвяраванням, у 2020 годзе пачаўся рамонт нашага касцёла. Былі адрэстаўрыраваны ўсе фігуркі Святых, ачышчаны і пафарбаваны дах, ачышчана дарожная плітка вакол касцёла і вонкавыя сцены. Таксама былі заменены дзверы ў закрыстую і часткова адрамантавана электрычнасць.

З 26 красавіка 2021 года мы пачалі ўнутраныя працы: замена падлогі каля алтара і самога алтара, рамонт вонкавых сцен у капліцы Варона. На працягу 2022 года адрамантавана ўнутры капліца Св. Філамены ў Вароне і зроблены рамонт фасаду касцёла Св. Юрыя ў Варнянах.

Аднак наш касцёл усё яшчэ мае патрэбу ў далейшых рамонтных працах, асабліва ў рамонце ўнутраных сцен. Мы спадзяёмся на вашу далейшую падтрымку і дапамогу. Жадаючыя ахвяраваць сродкі на рамонт могуць звярнуцца да кс. Віктара або зрабіць ахвяраванні праз банк, пералічыўшы грошы на разліковы рахунак касцёла:рэквізіты тут

Няхай Бог багаславіць кожнага з вас за вашу шчодрасць і клопат пра нашую святыню. Няхай ваша любоў да Бога і нашай супольнасці будзе ўзнагароджана нябеснымі дабротамі

Эўхарыстыя з'яўляецца найважнейшым сакрамэнтам у каталіцкай традыцыі, яе сутнасць заключаецца ў пераўтварэнні хлеба і віна ў цела і кроў Хрыста. Даведайцеся, у чым розніца паміж эўхарыстыяй і камуніяй, як часта варта прымаць камунію і якія правілы існуюць у сучасных умовах.

• Асноўныя малітвы на працягу дня 
• Агульны катэхізіс
• Малітвы ў розных патрэбах
• Малітвы да Маці Божай
• Малітвы да святых і благаслаўлёных
• Малітвы на кожны дзень тыдня
• Парадак святой Імшы (Ordo Missae)
• Літаніі
• Набажэнствы на працягу літургічнага года
• Асноўныя малітвы на лацінскай мове

ПЕРШАЕ ПОЎНАЕ АФІЦЫЙНАЕ
РЫМА-КАТАЛІЦКАЕ ВЫДАННЕ НА БЕЛАРУСКАЙ МОВЕ
«НОВАГА ЗАПАВЕТУ» (МІНСК, 2017)

Пераклад кніг Новага Запавету здзейснены Секцыяй па перакладзе літургічных тэкстаў і афіцыйных дакументаў Касцёла Камісіі Божага Культу і Дысцыпліны Сакрамэнтаў пры Канферэнцыі Каталіцкіх Біскупаў у Беларусі.

Падставай для перакладу паслужылі самыя новыя крытычныя выданні: Novum Testamentum Graece (ed. B. Aland et K. Aland, J. Karavidopoulos, C. Martini, B. Metzger, Stuttgart 1993²⁷), Novum Testamentum Graece (ed. B. Aland et K. Aland, J. Karavidopoulos, C. Martini, B. Metzger, Stuttgart 2012²⁸).

Кнігі Новага Запавету можна спампаваць у фарматах PDF (універсальны фармат для прагляду і друку), EPUB і MOBI (фарматы для электронных кніг, смартфонаў, планшэтаў) па спасылцы

адключыце гук у ТЭЛЕФОНЕ

фота і відэаздымка ў час імшы ЗАБАРОНЕНА

уваход у пляжным, нядбайным выглядзе ЗАБАРОНЕНЫ

уваход у алкагольным ап’яненні ЗАБАРОНЕНЫ

instagram