.
.

Душпастырскія візіты (Каляда) 2024-2025

22. 12. 2024

29 студзеня, завяршыліся душпастарскія візіты.

Паважаныя парафіяне!

Звяртаюся да вас з удзячнасцю і сардэчнай падзякай за падтрымку і гасціннасць падчас маіх душпастарскіх візітаў.   Вашы шчырыя сэрцы, адкрытыя для Божай любові, сталі прыкладам таго, як важна заставацца адзінымі ў веры. Дзякую вам, дарагія парафіяне, за нязломнае духоўнае жыццё, за сумесныя малітвы, за шчырыя размовы, падтрымку. Асобную падзяку выказваю за пачастункі і цёплы прыём, які вы мне аказалі. Ваша гасціннасць і клопат стварылі сапраўдны дух любові і братэрства. Таксама вялікая падзяка для мясцовых арганізацый і ўстаноў за запрашэнне. Вельмі цешуся, што вы імкнецеся на сваіх месцах працы жыць з Богам і дзеля Яго праслаўлення. Былі паблагаслаўлены наступныя арганізацыі:
•    Варнянскі сельскі Савет
•    Варнянская сярэдняя школа і дзіцячы сад
•    Сацыяльна-педагагічны цэнтр
•    Варнянская амбулаторыя,
•    Варнянская аптэка
•    Варонскі ФАП
•    Пост РАНС у Варнянах
•    Дзіцячая школа мастацтваў
•    Бібліятэка-клуб
•    Магазіны: "Камод", "ТвойБуд", "Мечта", "Мікс", "Наіна"
Ваша падтрымка і супрацоўніцтва дазволілі ажыццявіць душпастарскія візіты на належным узроўні. Дзякую за  шчырыя клопаты і адказнасць у арганізацыі сустрэч.
Адчувалася, што вашы дзеянні прасякнуты бласлаўлёным духам любові да Бога і бліжняга. Спадзяюся, што шчодрасць і ласка сыдуць на вас і вашы сем’і, а Божае благаслаўленне будзе суправаджаць вас на кожным кроку жыцця.

З удзячнасцю і малітвай, пробашч парафіі Святога Юрыя ў Варнянах, кс. Віктар Захарэўскі.

Паважаныя браты і сёстры!

Звяртаемся да вас са шчырай удзячнасцю і любоўю за вашу падтрымку і вернасць нашай святыні. Ваша прысутнасць і ўдзел у жыцці нашай парафіі надзвычай важныя для нас. Мы цэнім кожнага, хто дапамагае падтрымліваць наш касцёл у годным стане праз ахвяраванні і малітвы.

Наш касцёл існуе і развіваецца дзякуючы вашым шчодрым ахвяраванням. Без вашай дапамогі і падтрымкі, нам было б цяжка забяспечыць належныя ўмовы для правядзення службаў, утрымання будынка касцёла.

Калі жадаеце скласці ахвяраванне на патрэбы нашага касцёла, звяртайцеся ў закрыстыю да кс. Віктара. Няхай Бог багаславіць вашыя намаганні і дасць вам моц і спакой.

У закрыстыі  таксама можна:

  • Запісацца на перадшлюбныя заняткі
  • Запісаць дзяцей у Нядзельную школу
  • Падаць інтэнцыю аб малітве за жывых (аб здароўі і Божым Благаслаўленні, аб Божай волі ў складанай сітуацыі і г.д.)
  • Таксама за памерлых
  • Набыць і асвяціць крыжыкі, медалікі, абразы, ваду і г.д.
  • Дамовіцца наконт асвячэння кватэры, крамы, машыны і г.д.
  • Запрасіць святара на цэлебрацыю абраду пахавання, удзялення Сакрамэнту намашчэння хворых.
  • Скласці ахвяраванні на патрэбы дабрачынных арганізацый.

У закрыстыі вы можаце набыць: малітоўнік, спеўнік, свечкі, крыжык, абразы рознага памеру, неабходныя рэчы для шлюбу, хросту и г.д.