Рэлігійная абшчына
“Парафія касцёла Святога Юрыя ў аг. Варняны
Астравецкага раёна Гродзенскай дыяцэзіі Рымска-каталіцкага Касцёла Рэспублікі Беларусь”
Студэнты першага, прападэўтычнага курса разам са сваім духоўным кіраўніком, кс. Паўлам Скуба, наведалі нашы дзве святыні: парафіяльны касцёл Св. Юрыя ў Варнянах і капліцу св. Філамены ў Вароне.
Наведванне святынь было акрамець надзвычай важнай падзеяй для нашай парафіяльнай супольнасці. Іх сустрэў наш пробашч, ксёндз Віктар Захарэўскі. Гэта дало магчымасць абмяняцца думкамі, малітвамі і досведам з будучымі святарамі, а таксама адчуць еднасць і падтрымку ў сваёй веры.
Маладыя семінарысты з вялікай увагай слухалі гісторыі парафіі і дзяліліся ўражаннямі пра навучанне ў семінарыі, абмяркоўваючы значэнне паклікання да святарства.
Жадаем маладым людзям вытрымкі ў вучобе і ў пакліканні да святарства. Няхай іх шлях будзе асветлены Божым святлом, а сэрцы напоўнены любоўю і моцай для выканання вялікай місіі. Няхай іхнія малітвы і вернасць Богу стануць надзейным падмуркам для духоўнага росту і росквіту нашай святыні.
Паважаныя браты і сёстры!
Звяртаемся да вас са шчырай удзячнасцю і любоўю за вашу падтрымку і вернасць нашай святыні. Ваша прысутнасць і ўдзел у жыцці нашай парафіі надзвычай важныя для нас. Мы цэнім кожнага, хто дапамагае падтрымліваць наш касцёл у годным стане праз ахвяраванні і малітвы.
Наш касцёл існуе і развіваецца дзякуючы вашым шчодрым ахвяраванням. Без вашай дапамогі і падтрымкі, нам было б цяжка забяспечыць належныя ўмовы для правядзення службаў, утрымання будынка касцёла.
Калі жадаеце скласці ахвяраванне на патрэбы нашага касцёла, звяртайцеся ў закрыстыю да кс. Віктара. Няхай Бог багаславіць вашыя намаганні і дасць вам моц і спакой.
У закрыстыі таксама можна:
У закрыстыі вы можаце набыць: малітоўнік, спеўнік, свечкі, крыжык, абразы рознага памеру, неабходныя рэчы для шлюбу, хросту и г.д.
