Рэлігійная абшчына
“Парафія касцёла Святога Георгія (Юрыя) ў в. Варняны
Астравецкага раёна Гродзенскай дыяцэзіі Рымска-каталіцкага Касцёла Рэспублікі Беларусь”
Дарагія Парафіяне!
Браты і Сестры!
Ужо неўзабаве, 1-га кастрычніка ў нашай Парафіі пачнуцца Святыя Місіі. Што гэта такое?
Мы прывыклі да таго, што перад вялікімі святамі нашай веры Касцел праводзіць рэкалекцыі, дні, у якія з дапамогай спецыяльных казанняў і набажэнстваў хрысціянскія душы прыгатоўваюцца да таго, каб велічна і з чыстым сэрцам святкаваць Вялікдзень або Божае Нараджэнне. Аднак гэтага мала. Раз на 10 год кожная Парафія павінна перажыць не кароткія рэкалекцыі, а праз цэлы тыдзень, дзень у дзень ахвяраваць свой час, сваю ўвагу і засяроджанасць Божаму Слову. Гэта і есць Святыя Місіі.
Святыя Місіі – гэта прысутнасць Божага Слова сярод нас. Цэлы тыдзень, ад 1-га да 8-га кастрычніка, з ранку і вечарам у нашым касцеле будуць праходзіць адмысловыя набажэнствы, Святыя Імшы, катэхэзы. Некаторыя з іх адрасаваны ўсей Парафіі, некаторыя – асобным групам, напрыклад моладзі або дзецям. Прыдзецца выйсці і па-за касцельныя сцены: пройдзем Крыжовым шляхам па вуліцах нашага аграгарадка.
Кожны з нас вырашае за сябе: адкрыць сваю душу на святло Божага Слова ці праседзець гэтыя святыя дні ў хаце. Кажуць, той, хто хоча – знойдзе хоць адну магчымасць, а хто не хоча – тысячу адгаворак. Раз на 10 год – ці хопіць у нас сілы духа і любові да Бога, каб кожны місійны дзень удзельнічаць у набажэнствах і заслужыць ласку поўнага адпуста?
Прашу Вас, прылажыце ўсе магчымыя намаганні, адпрошвайцеся раней з працы, звальняйце са школы дзяцей, прывозце старэйшых і хворых машынамі, прыпамінайце адзін аднаму: час кароткі, а вечнасць доўгая. Як не змарнаваць магчымасці, якія нам дае Бог? Як выстаяць і не паддацца моцы злога? Як заслужыць вечнае збаўленне?
Сустрэнемся на Святых Місіях!
ПРАГРАМА СВЯТЫХ МIСIЙ з 1 па 8 кастрычніка 2023 г.
|
Нядзеля, 1 кастрычніка 2023г. Пачатак Святых Мiсiй БОГ ЁСЦЬ ЛЮБОӮ 09.00 Святая Iмша – Варняны 11.15 Святая Iмша – Варона 13.00 Святая Iмша – Варняны Катэхэза для бацькоӯ
Панядзелак, 2 кастрычніка 2023г. НАША ЗБАӮЛЕННЕ Ӯ ЕЗУСЕ ХРЫСЦЕ 14.30/15.00 Катэхэза для дзяцей і моладзі 16.00 Святая Iмша – Варона 18.00 Святая Iмша – Варняны Крыжовы шлях па вулiцах Парафіі
Aӯторак, 3 кастрычніка 2023г. ВЕРА I НАВЯРТАННЕ 14.30/15.00 Катэхэза для дзяцей і моладзі 16.00 Пакутнае набажэнства – Варона 18.00 Пакутнае набажэнства – Варняны Марыйны заклiк
|
Серада, 4 кастрычніка 2023г. Дзень Споведзi КАЛI ЧАЛАВЕК ПАМІРАЕ 15.00 Святая Споведзь – Варона 16.00 Святая Iмша – Варона 17.00 Святая Споведзь – Варняны 18.00 Святая Iмша – Варняны Марыйны заклiк
Чацвер, 5 кастрычніка 2023г. ЕЗУС МОЙ ПАН 16.00 Святая Iмша – Варона Адарацыя Крыжа 18.00 Святая Iмша – Варняны Адарацыя Крыжа Марыйны заклiк
Пятнiца, 6 кастрычніка 2023г. ДЗЕНЬ СЯМ'I 16.00 Святая Iмша – Варона Аднаўленне сужанскіх абяцанняў 18.00 Святая Iмша – Варняны Аднаўленне сужанскіх абяцанняў
|
Субота, 7 кастрычніка 2023г. ВОСЬ МАЦI ТВАЯ 09.00 Святая Iмша – Варона Намашчэнне хворых 12.00 Святая Iмша – Варняны (ФЭСТ) Прысвячэнне Парафіі Маці Божай.
Нядзеля, 8 кастрычніка 2023г. Заканчэнне Святых Мiсiй БУДЗЬЦЕ СВЕДКАМI 10.00 Святая Iмша – Варона 13.00 Святая Iмша – Варняны Устанаўленне місійнага Крыжа Благаслаӯленне з поӯным адпустам
Шчыра запрашаем да штодзённага ӯдзелу ӯ набажэнствах i да Святой Споведзi
Св. Місіі вядуць Айцы Рэдэмптарысты |
Езус Хрыстус той самы ўчора, i сёння, i навекi!
Паважаныя браты і сёстры!
Звяртаемся да вас са шчырай удзячнасцю і любоўю за вашу падтрымку і вернасць нашай святыні. Ваша прысутнасць і ўдзел у жыцці нашай парафіі надзвычай важныя для нас. Мы цэнім кожнага, хто дапамагае падтрымліваць наш касцёл у годным стане праз ахвяраванні і малітвы.
Наш касцёл існуе і развіваецца дзякуючы вашым шчодрым ахвяраванням. Без вашай дапамогі і падтрымкі, нам было б цяжка забяспечыць належныя ўмовы для правядзення службаў, утрымання будынка касцёла.
Калі жадаеце скласці ахвяраванне на патрэбы нашага касцёла, звяртайцеся ў закрыстыю да кс. Віктара. Няхай Бог багаславіць вашыя намаганні і дасць вам моц і спакой.
У закрыстыі таксама можна:
У закрыстыі вы можаце набыць: малітоўнік, спеўнік, свечкі, крыжык, абразы рознага памеру, неабходныя рэчы для шлюбу, хросту и г.д.
