.
.

Рыхтуемся да ўрачыстасці ў гонар Найсвяцейшай Панны Марыі Ружанцовай

19. 09. 2021

7 кастрычніка ў парафіі св. Юрыя ў Варнянах адбудзецца адпустовая ўрачыстасць у гонар Найсвяцейшай Панны Марыі Ружанцовай, абраз якой шмат год знаходзіўся ў касцёле. Сам абраз быў упрыгожаны золатам і срэбрам.

 

Аднак у пасляваенны час пасля закрыцця касцёла шматлікія абразы зніклі. Не вярнуўся ў касцёл і абраз НПМ Ружанцовай. Пасля аднаўлення касцёла, намаганнямі былога пробашча Здзіслава Пікулы SDB і ўсіх вернікаў парафіі, на месцы абраза НПМ Ружанцовай была ўстаноўлена фігура НПМ Лурдскай.

Традыцыя нашых продкаў засталася разам з намі. Мы і сёння адзначаем урачыстасць у гонар Найсвяцейшай Панны Марыі Ружанцовай.

Урачыстасць адбудзецца 7 кастрычніка ў 18:00 у парафіяльным касцёле: 17:00 - Ружанец, Адарацыя Найсвяцейшага Сакрамэнту, працэсія.

У гэты дзень кожны католік мае абавязак прыняць удзел у Святой Імшы і ўстрымацца ад працы.

 

Пробашч кс. Віктар Захарэўскі запрашае ўсіх да ўдзелу ў навэнне штодня з 28 верасня. Можна прыносіць у закрыстую свае запіскі, у якіх просім аб  здароўі нашым сем'ям, родным. Запіскі будуць зачытвацца штодня падчас навэнны. Удзел у навэнне - падрыхтоўка да ўрачыстасці ў гонар Найсвяцейшай Панны Марыі Ружанцовай.

 

Паважаныя браты і сёстры!

Звяртаемся да вас са шчырай удзячнасцю і любоўю за вашу падтрымку і вернасць нашай святыні. Ваша прысутнасць і ўдзел у жыцці нашай парафіі надзвычай важныя для нас. Мы цэнім кожнага, хто дапамагае падтрымліваць наш касцёл у годным стане праз ахвяраванні і малітвы.

Наш касцёл існуе і развіваецца дзякуючы вашым шчодрым ахвяраванням. Без вашай дапамогі і падтрымкі, нам было б цяжка забяспечыць належныя ўмовы для правядзення службаў, утрымання будынка касцёла.

Калі жадаеце скласці ахвяраванне на патрэбы нашага касцёла, звяртайцеся ў закрыстыю да кс. Віктара. Няхай Бог багаславіць вашыя намаганні і дасць вам моц і спакой.

У закрыстыі  таксама можна:

  • Запісацца на перадшлюбныя заняткі
  • Запісаць дзяцей у Нядзельную школу
  • Падаць інтэнцыю аб малітве за жывых (аб здароўі і Божым Благаслаўленні, аб Божай волі ў складанай сітуацыі і г.д.)
  • Таксама за памерлых
  • Набыць і асвяціць крыжыкі, медалікі, абразы, ваду і г.д.
  • Дамовіцца наконт асвячэння кватэры, крамы, машыны і г.д.
  • Запрасіць святара на цэлебрацыю абраду пахавання, удзялення Сакрамэнту намашчэння хворых.
  • Скласці ахвяраванні на патрэбы дабрачынных арганізацый.

У закрыстыі вы можаце набыць: малітоўнік, спеўнік, свечкі, крыжык, абразы рознага памеру, неабходныя рэчы для шлюбу, хросту и г.д.