Вернікі Варнянскай парафіі на чале з пробашчам кс. Віктарам Захарэўскім прынялі ўдзел у аўтапілігрымцы па святынях Гродзеншчыны. Маршрут уключыў 11 прыпынкаў: касцёл Св. Казіміра ў аг. Усялюб Навагрудскага раёна, касцёл Св. Міхала Арханёла г. Навагрудак, касцёл Перамянення Пана (фара) у Навагрудку, касцёл Сэрца Пана Езуса ў г.п. Наваельня Дзятлаўскага раёна, касцёл Божага Цела ў в. Дварэц Дзятлаўскага раёна, касцёл Свсв. Анёлаў Ахоўнікаў в. Раготна на Дзятлаўшчыне, касцёл Унебаўзяцця НПМ у горадзе Дзятлава, касцёлы св. ап. Андрэя і Беззаганнага Зачацця НПМ ў Слоніме, Свята-Успенскі Жыровіцкі манастыр, касцёл Свсв. апап. Пятра і Паўла ў г. Іўе.
Усе наведаныя святыні ўразілі пілігрымаў сваёй прыгажосцю, велічнасцю, цікавай гісторыяй, з якой знаёмілі падчас экскурсій пробашчы кожнай парафіі.
Падчас падарожжа вернікі маліліся,спявалі песні, прынялі ўдзел у Св.Імшы ў касцёле Унебаўзяцця НПМ у горадзе Дзятлава, а таксама пакланіліся Абразу Маці Божай Жыровіцкай.
Пілігрымы ўдзяны пробашчу парафіі кс. Віктару за арганізацыю паездкі па святынях нашай дыяцэзіі.
Спадзяемся, што гэта была не апошняя пілігрымка.
больш фота глядзі тут
Паважаныя браты і сёстры! Наш касцёл існуе за кошт ахвяраванняў вернікаў. Шчыра дзякуем усім, хто наведвае нашу святыню і далучаецца да жыцця парафіі праз сайт. Дзякуем усім ахвярадаўцам і молімся за ўсіх Вас.
Калі жадаеце скласці ахвяраванне на патрэбы нашага касцёла, можаце звярнуцца ў закрыстыю да кс. Віктара.
У закрыстыі таксама можна:
У закрыстыі вы можаце набыць: малітоўнік, спеўнік, свечкі, крыжык, абразы рознага памеру, неабходныя рэчы для шлюбу, хросту и г.д.