Рэлігійная абшчына
“Парафія касцёла Святога Юрыя ў аг. Варняны
Астравецкага раёна Гродзенскай дыяцэзіі Рымска-каталіцкага Касцёла Рэспублікі Беларусь”
Адразу пасля свята Апошняга званка выпускнікі 11 класа: 16 дзяўчат і 5 юнакоў - адправіліся ў касцёл Святога Юрыя ў Варнянах, каб разам з бацькамі, настаўнікамі дзякаваць за атрыманыя веды і прасіць Божага благаслаўлення не толькі на экзаменацыйную кампанію, але і на ўсё жыццё.
У касцёле адбылася Св. Імша як падзяка за гады навучання ў школе і просьба аб Божым благаслаўленні і добрай здачы экзаменаў для выпускнікоў мясцовай школы.
Перад шляхам у дарослае самастойнае жыццё маладыя хлопцы і дзяўчаты маліліся, даручаючы свой лёс Пану Богу.
На заканчэнне Імшы ксёндз Віктар акрапіў усіх асвечанай вадой і ўдзяліў благаслаўленне выпускнікам і іх класнаму кіраўніку Валянціне Місевіч.
Выпускніцай 2021 года з'яўляецца і Калпак Ілона, чый спеў на працягу некалькіх гадоў упрыгожвае Імшы і Урачыстасці нашай святыні.
Паважаныя браты і сёстры!
Звяртаемся да вас са шчырай удзячнасцю і любоўю за вашу падтрымку і вернасць нашай святыні. Ваша прысутнасць і ўдзел у жыцці нашай парафіі надзвычай важныя для нас. Мы цэнім кожнага, хто дапамагае падтрымліваць наш касцёл у годным стане праз ахвяраванні і малітвы.
Наш касцёл існуе і развіваецца дзякуючы вашым шчодрым ахвяраванням. Без вашай дапамогі і падтрымкі, нам было б цяжка забяспечыць належныя ўмовы для правядзення службаў, утрымання будынка касцёла.
Калі жадаеце скласці ахвяраванне на патрэбы нашага касцёла, звяртайцеся ў закрыстыю да кс. Віктара. Няхай Бог багаславіць вашыя намаганні і дасць вам моц і спакой.
У закрыстыі таксама можна:
У закрыстыі вы можаце набыць: малітоўнік, спеўнік, свечкі, крыжык, абразы рознага памеру, неабходныя рэчы для шлюбу, хросту и г.д.
