.
.
.
.
.

Парафіяльная Урачыстасць у гонар Св. Юрыя

15. 04. 2021

14 красавіка ў касцёле Св. Юрыя ў Варнянах распачалася Навэнна да Святога Юрыя. Прадоўжыцца яна да 22 красавіка ўключна. Кожны дзень пасля Святой Імшы будуць скіраваны малітвы да Святога Юрыя (свае запіскі можна падаваць у закрыстую). 
23 красавіка ў касцёле ў Варнянах адбудзецца штогадовая Парафіяльная Урачыстасць у гонар Св. Юрыя, галоўнага апекуна парафіі, а таксама за тых, хто на працягу Навэнны падаваў запіскі аб здароўі. Плануецца, што ўдзел у ёй прыме дапаможны біскуп Гродзенскай дыяцэзіі Юзаф Станеўскі.

У гэты дзень кожны католік нашай парафіі мае абавязак прыняць удзел у Святой Імшы і ўстрымацца ад працы.

Распачнецца Урачыстасць 23.04.2021г. у 11:00 у капліцы аг. Варона. Прадоўжыцца ў аг. Варняны ў 17:30 на скрыжаванні дарог пры ўездзе ў Варняны са стараны Кернян. На гэтым месцы адбудзецца сустрэча біскупа, а таксама асвячэнне новага крыжа і фігуры Маці Божай. 18:00 - Адпустовая Святая Імша ў касцёле з удзелам біскупа дапаможнага Гродзенскай дыяцэзіі Юзафа Станеўскага і ўрачыстая працэсія. 

Святая Імша з касцёла ў гэты дзень будзе трансліравацца анлайн па Радыё Марыя.

Па ініцыятыве і пад кіраўніцтвам пробашча парафіі ксяндза Віктара і з дапамогай парафіян Станіслава Віюка, Адулы Сяргея і Барысевіча Віктара на скрыжаванні дарог пры ўездзе ў Варняны з боку Кернян устанаўліваецца новы крыж і фігура Маці Божай.

Паважаныя браты і сёстры! Наш касцёл існуе за кошт ахвяраванняў вернікаў. Шчыра дзякуем усім, хто наведвае нашу святыню і далучаецца да жыцця парафіі праз сайт. Дзякуем усім ахвярадаўцам і молімся за ўсіх Вас.

Калі жадаеце скласці ахвяраванне на патрэбы нашага касцёла, можаце звярнуцца ў закрыстыю да кс. Віктара.

У закрыстыі  таксама можна:

  • Запісацца на перадшлюбныя заняткі
  • Запісаць дзяцей у Нядзельную школу
  • Падаць інтэнцыю аб малітве за жывых (аб здароўі і Божым Благаслаўленні, аб Божай волі ў складанай сітуацыі і г.д.)
  • Таксама за памерлых
  • Набыць і асвяціць крыжыкі, медалікі, абразы, ваду і г.д.
  • Дамовіцца наконт асвячэння кватэры, крамы, машыны і г.д.
  • Запрасіць святара на цэлебрацыю абраду пахавання, удзялення Сакрамэнту намашчэння хворых.
  • Скласці ахвяраванні на патрэбы дабрачынных арганізацый.

У закрыстыі вы можаце набыць: малітоўнік, спеўнік, свечкі, крыжык, абразы рознага памеру, неабходныя рэчы для шлюбу, хросту и г.д.