.
.

Другі дзень рэкалекцый. Што для нас радасць? Ці з’яўляецца кожны з нас чалавекам радасным?

23. 03. 2021

У аўторак, 23 сакавіка, у Парафіі Святога Юрыя ў Варнянах прайшоў другі дзень велікапосных рэкалекцый. Шмат вернікаў парафіі сабралася разам у святыні. У гэты дзень святарамі  Астравецкага дэканату таксама адбылося ўдзяленне вернікам парафіі сакраманту пакаяння.

 

 

Падчас рэкалекцыі ксёндз-рэкалекцыяніст Дзмітрый Леўчык (пробашч парафіі Найсвяцейшай Тройцы ў Гервятах) разважаў над пытаннямі: што для нас радасць? ці з’яўляецца кожны з нас чалавекам радасным?

 

Часцей за ўсё кожны з нас лічыць, што радасць – гэта весялосць. Аднак усе мы хрысціяне, і павінны ведаць, што існуе такое паняцце, як хрысціянская радасць.  Спакой у душы, цярплівасць – вось сапраўдная хрысціянская радасць.

Пробашч парафіі кс. Віктар і вернікі парафіі ўдзячны ксяндзу Дзмітрыю Леўчыку за тое, што ён падзяліўся з імі сваім жыццёвым досведам, Божым словам і разважаннямі, а таксама святарам Астравецкага дэканату за ўдзяленне сакраманту пакаяння.

 

Велікапосныя рэкалекцыі прадоўжацца 24 сакавіка ў 09:00 і 17:30. Таксама ў гэты дзень адбудзецца ўдзяленне сакраманту пакаяння (споведзь) для жадаючых вернікаў ў аг. Варона ў 15:00.

Паважаныя браты і сёстры!

Звяртаемся да вас са шчырай удзячнасцю і любоўю за вашу падтрымку і вернасць нашай святыні. Ваша прысутнасць і ўдзел у жыцці нашай парафіі надзвычай важныя для нас. Мы цэнім кожнага, хто дапамагае падтрымліваць наш касцёл у годным стане праз ахвяраванні і малітвы.

Наш касцёл існуе і развіваецца дзякуючы вашым шчодрым ахвяраванням. Без вашай дапамогі і падтрымкі, нам было б цяжка забяспечыць належныя ўмовы для правядзення службаў, утрымання будынка касцёла.

Калі жадаеце скласці ахвяраванне на патрэбы нашага касцёла, звяртайцеся ў закрыстыю да кс. Віктара. Няхай Бог багаславіць вашыя намаганні і дасць вам моц і спакой.

У закрыстыі  таксама можна:

  • Запісацца на перадшлюбныя заняткі
  • Запісаць дзяцей у Нядзельную школу
  • Падаць інтэнцыю аб малітве за жывых (аб здароўі і Божым Благаслаўленні, аб Божай волі ў складанай сітуацыі і г.д.)
  • Таксама за памерлых
  • Набыць і асвяціць крыжыкі, медалікі, абразы, ваду і г.д.
  • Дамовіцца наконт асвячэння кватэры, крамы, машыны і г.д.
  • Запрасіць святара на цэлебрацыю абраду пахавання, удзялення Сакрамэнту намашчэння хворых.
  • Скласці ахвяраванні на патрэбы дабрачынных арганізацый.

У закрыстыі вы можаце набыць: малітоўнік, спеўнік, свечкі, крыжык, абразы рознага памеру, неабходныя рэчы для шлюбу, хросту и г.д.