Рэлігійная абшчына
“Парафія касцёла Святога Георгія (Юрыя) ў в. Варняны
Астравецкага раёна Гродзенскай дыяцэзіі Рымска-каталіцкага Касцёла Рэспублікі Беларусь”
Сёння, 22 сакавіка, у Парафіі Святога Юрыя ў Варнянах прайшоў першы дзень велікапосных рэкалекцый.
Ксёндз Дзмітрый Леўчык (пробашч парафіі Найсвяцейшай Тройцы ў Гервятах), што праводзіў рэкалекцыі, разважаў над пытаннямі: што для нас пост? што такое грэх?
Гэты перыяд дае нам магчымасць падрыхтавацца да свята ўваскрашэння Пана Езуса, час нашай унутранай барацьбы з нашым грахом, з нашымі кепскімі звычкамі. Вялікі Пост пачынаецца са слоў: навяртайцеся і верце ў Евангелле. Гэта час, калі мы асабліва можам паглядзець на наша жыццё, паставіць перад сабой пытанні: “Ці ў тым накірунку я іду? Ці вядзе гэта дарога мяне ў неба?” Кожны з нас ведае, што грэх – гэта кепска. І кожны з нас, ведаючы, што гэта кепска, дапускае дрэнныя ўчынкі. Грэх – гэта момант, калі зло хоча выдацца табе добрым. Многія, дапусціўшы грэх, стараюцца сябе апраўдаць: ці быў у мяне выбар? Але існуюць Божыя запаведзі і мы не можам не давяраць Богу. Мы не павінны дапускаць спакусы. Давяраць Богу, выконваць запаведзі – галоўныя нашы ўчынкі. Кожны з нас у час Вялікага Посту мае мачымасць паразважаць і задумацца над сваёй дарогай да Бога..
Вернікі парафіі ўдзячныя ксяндзу Дзмітрыю Леўчыку за тое, што ён знайшоў час і падзяліўся з імі сваім жыццёвым досведам, Божым словам і разважаннямі.
Вялікапосныя рэкалекцыі прадоўжацца 23 і 24 сакавіка ў 09:00 і 17:30.
Паважаныя браты і сёстры! Наш касцёл існуе за кошт ахвяраванняў вернікаў. Шчыра дзякуем усім, хто наведвае нашу святыню і далучаецца да жыцця парафіі праз сайт. Дзякуем усім ахвярадаўцам і молімся за ўсіх Вас.
Калі жадаеце скласці ахвяраванне на патрэбы нашага касцёла, можаце звярнуцца ў закрыстыю да кс. Віктара.
У закрыстыі таксама можна:
У закрыстыі вы можаце набыць: малітоўнік, спеўнік, свечкі, крыжык, абразы рознага памеру, неабходныя рэчы для шлюбу, хросту и г.д.
