Вернікі маюць абавязкі

Прыналежнасць да парафіі прадугледжвае не толькі права верніка на сакрамэнты або пастырскую апеку. Адначасова ў верніка з’яўляюцца абавязкі...

— Найперш, кожны хрысціянін мае абавязак прымаць сакрамэнты, удзельнічаць у святой Імшы. Існуе таксама абавязак малітвы верніка за свайго душпастыра і парафію. Таксама абвязак абвяшчэння Божага слова праз прыклад свайго жыцця — мы сведчым сваю веру ў парафіі, на працы і ў іншых месцах. Таксама ёсць пятая касцёльная запаведзь: удзельнічаць у матэрыяльных патрэбах Касцёла. Гэта значыць, вернік мае абавязак падтрымліваць Касцёл сваімі ахвярамі, сваёй працай і магчымасцямі.

Вернік — ці то пачынаючы, ці то дасведчаны, — заўсёды павінен памятаць: Касцёл — гэта справа не толькі святароў.

Гэта мая справа, гэта мой Касцёл, гэта мая парафія. Калі я ўваходжу ў гэтую супольнасць, калі я з’яўляюся вернікам, то абавязкі і клопаты Касцёла — гэта мае абавязкі і клопаты.

У кожнай пэўнай сітуацыі могуць вынікаць абавязкі: спеў, катэхізацыя — кожны можа дапамагаць тым, на што мае здольнасці. Каб сапраўды гэта была сям’я, моцная супольнасць.

Таму, вельмі здзіўляюць паводзіны парафіян, якія ў прызначаны час не з'яўляюцца ў касцёл для ўборкі тэрыторыі, ачысткі ад снегу дарожак, аказання іншай дапамогі (хоць такая неабходнасць узнікае ў адной сям'і радзей чым адзін раз у год). Так, ёсць моманты, калі ў сям'і не атрымліваецца ў гэты ці іншы дзень, але ж можна заўсёды вырашыць падобныя пытанні-дамовіцца з суседам, знаёмым і г.д.

крыніца