На працягу кастрычніка ксёндз Віктар запрашаў ўсіх дзяцей кожны дзень на супольную малітву на ружанцы.
Дзетак, якія найбольшую колькасць дзён прыходзілі на супольную малітву падчас кастрычніка, святар вырашыў узнагародзіць паездкай у Мінск, што адбылася 27 лістапада. Дзеці разам з пробашчам наведалі прадстаўленне ў сапраўдным цырку "Сто хвілін вакол свету", прагуляліся па Мінску, пакаталіся ў метро і як жа без Mcdonalds?
Паездка пакінула незабыўныя ўражанні ў дзяцей. Шчаслівыя і крыху стомленыя ад насычанага дня, дзеці вярталіся дамоў, каб заўтра разам са сваімі бацькамі і пробашчам распачаць у святыні новы, не менш цікавы перыяд - Адвэнт. А пробашч ужо рыхтуе новы сюрпрыз для дзяцей і моладзі...
Бацькі дзетак удзячны пробашчу кс. Віктару, які не шкадуе сіл і часу, за ўвагу, клопат, шчырасць і неабыякавасць да іх дзяцей.
Паважаныя браты і сёстры! Наш касцёл існуе за кошт ахвяраванняў вернікаў. Шчыра дзякуем усім, хто наведвае нашу святыню і далучаецца да жыцця парафіі праз сайт. Дзякуем усім ахвярадаўцам і молімся за ўсіх Вас.
Калі жадаеце скласці ахвяраванне на патрэбы нашага касцёла, можаце звярнуцца ў закрыстыю да кс. Віктара.
У закрыстыі таксама можна:
У закрыстыі вы можаце набыць: малітоўнік, спеўнік, свечкі, крыжык, абразы рознага памеру, неабходныя рэчы для шлюбу, хросту и г.д.