З 15 годдзем святарскага пасвячэння віншавалі свайго пробашча

16 лістапада падчас Урачыстасці Маці Божай Вастрабрамскай парафіяне касцёла Св.Юрыя віншавалі пробашча кс. Віктара Захарэўскага з 15 годдзем святарскага пасвячэння.

Паважаны ксёндз Віктар!

15 год прайшло з той слаўнай даты,

Калі Вас пасвяцілі ў святары.

Мы сёння маем добрых слоў багата

Для Вас, наш пробашч дарагі!

Адбылася падзея важная

У лістападзе дзве тысячы шостага,

І пачалася ў Вас служба адказная

На шляху паклікання Боскага.

Рось, Міхалішкі, Тракелі,

Гродна, Жалудок і Астравец,

А яшчэ былі Раготна,

Стараельня і Дварэц.

І заўсёды з Вамі былі побач

мама, тата і ўся сям’я,

Ганарацца яны Вамі, пробашч,

Вераць: шлях абраны нездарма.

Сёння ж Вы ў парафіі Варнянскай

Веру ў Бога несяце ўсім нам.

У юбілей святарскага служэння

Многа цёплых слоў складаем Вам!

1. Вас выбраў Бог- Айцец калісьці
   І план свой Ён для Вас адкрыў,
   Паклікаў быць святым і чыстым
   І рукі Вашы намасціў.
2.  І, як святар, да брамаў Неба
   Вядзеце за сабою ўсіх.
   Праз рукі Вашыя дар Хлеба
   Пан даў для вернікаў сваіх.
3. Няхай жа Усемагутны Бог
   Благаславіць Ваш шлях святарскі,
   Каб сярод штодзённых турбот
   Спазналі Вы шмат Божай ласкі!
4. Нязломнай моцнай веры мы
   Жадаем шчыра Вам, ад сэрца,
   Любові Божай, што заўжды
   Праз Сэрца Езуса ліецца.
5. Сёння, у такі важны для Вас дзень,  хочам  падзякаваць Вам за тое, што аднойчы Вы адгукнуліся на далікатны голас Пана, які паклікаў Вас на ахвярнае, але такое патрэбнае служэнне.
6. Дзякуем Богу за ваша сэрца і рукі, праз якія вы ўдзяляеце нам святыя сакраманты.
7. Вы з’яўляецеся нашым сапраўдным сябрам у дарозе да Неба. Сябрам, які дапамагае шукаць правільную дарогу, які заўсёды мае на нас час, каб паразмаўляць, накіраваць, абараніць ад адзіноты, падтрымаць, даць параду і дапамагчы ўстаць пасля падзення.
8. У гэты дзень просім для Вас Божага благаслаўлення, апекі Дзевы Марыі і заступніцтва ўсіх святых. Моцнага здароўя, душэўнага спакою, радасці, шмат Божых ласкаў, сіл і стойкасці ў душпастырскай працы.
9. Заўсёды, у кожнай сітуацыі, будзьце Святлом Хрыста, адкрывайцеся на дзеянне Духа Святога і кіруйцеся Яго памкненнямі.
10.  Жадаем Вам заўсёды адчуваць блізкасць і моцную сувязь з Тым, Хто паклікаў і паставіў Вас на гэтае служэнне. Няхай шлях гэтага служэння будзе плённы і шчаслівы!
11. Няхай Ваша мудрасць, дабрыня і клопат аб людзях заўсёды будуць для нас прыкладам жыцця.
12. Няхай Бог адорвае Вас здароўем, пастырскай мудрасцю, дае Вам мужнасці, цярплівасці і пакоры. Божай дапамогі і благаслаўлення ва ўсіх нялёгкіх справах і  пачынаннях!
13. Няхай любоў і супакой застаюцца назаўжды ў Вашым сэрцы.
14. Мы цэнім Вашу дзейную энергію, адкрытасць і жывы водгук на нашы часам нязграбныя намаганні і дзеянні,  Вашу добразычлівасць да ўсіх.
15. Мы Вас вельмі любім, цэнім і дзякуем Богу, што па Яго святой волі Вы з’явіліся ў жыцці кожнага з нас.

          Лічыцца, што белыя кветкі - сімвал чысціні духу і цела,  дабрыні і бязгрэшнасці, сімвал найвышэйшай духоўнасці. Няхай 15 кветак, якія Вы трымаеце ў руках, будуць добрым напамінкам пра 15 год  адданага служэння Богу і людзям.