Рэлігійная абшчына
“Парафія касцёла Святога Георгія (Юрыя) ў в. Варняны
Астравецкага раёна Гродзенскай дыяцэзіі Рымска-каталіцкага Касцёла Рэспублікі Беларусь”
15 чэрвеня мы будзем перажываць апошні дзень актавы Божага Цела.
Заканчэнне актавы Божага Цела - асаблівы дзень (Дзявятнік), вернікі прыносяць у касцёл вянкі з кветак і зёлкаў. Гэтыя вянкі з'яўляюцца сімвалам чалавечай працы і прыраўноўваюць дар Божы да служэння людзям. Дзявятнік - таму што праз дзевяць тыдняў ад Вялікадня. Звычайна рабілі дзевяць вяночкаў.
Вянкі робяць з капытніка, рамонкі, ружы, мяты, суніцы, канюшыны, язміну, іншых кветак і траў. Вянкам з даўніх часоў прыпісваюць лячэбную сілу. Раней лічылася, што яны перашкаджаюць чарам.
І вянкі, і бярозавыя галінкі, сабраныя падчас працэсіі Божага Цела з алтароў, павінны былі абараніць ад бур і пажараў і шкоднікаў на палях.
Па традыцыі, вянок павінен захоўвацца цэлы год пры ўваходзе ў дом, каля абразоў, уваходзе ў памяшканні, дзе знаходзяцца хатнія жывёлы. Таксама вянок клалі нябожчыку пад падушку.
У дзень заканчэння актавы Божага Цела акрамя асвячэння травяных вянкоў, святары благаслаўляюць дзяцей. Благаслаўленне павінна забяспечыць ім здароўе і росквіт Бога. Сам Езус казаў: “Дазвольце дзецям прыходзіць да Мяне, не забараняйце ім, бо такім належыць Валадарства Божае” (Мк 10,14)
У гэты дзень касцёл Святога Юрыя ў Варнянах чакае сваіх вернікаў з вяночкамі з кветак і зёлак, а таксама ўсіх дзетак нашай парафіі.
Паважаныя браты і сёстры! Наш касцёл існуе за кошт ахвяраванняў вернікаў. Шчыра дзякуем усім, хто наведвае нашу святыню і далучаецца да жыцця парафіі праз сайт. Дзякуем усім ахвярадаўцам і молімся за ўсіх Вас.
Калі жадаеце скласці ахвяраванне на патрэбы нашага касцёла, можаце звярнуцца ў закрыстыю да кс. Віктара.
У закрыстыі таксама можна:
У закрыстыі вы можаце набыць: малітоўнік, спеўнік, свечкі, крыжык, абразы рознага памеру, неабходныя рэчы для шлюбу, хросту и г.д.
